Back كنيسه اونردال ستاف ARZ Església de fusta d'Undredal Catalan Undredal stavkirke Danish Stabkirche Undredal German Undredal Stave Church English Iglesia de madera de Undredal Spanish Undredalin sauvakirkko Finnish Undredal stavkirke NB Undredal stavkirke Polish Undredals stavkyrka Swedish
| Undredal stavkyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Vestland | ||
| Kommune | Aurland | ||
| Kyrkjesamfunn | Den norske kyrkja | ||
| Bispedøme | Bjørgvin | ||
| Prosti | Sogn | ||
| Sokn | Undredal | ||
| Fellesråd | Aurland | ||
| Stad | Undredal | ||
| Teknikk | stavverk | ||
| Material | tre | ||
| Innvigd | slutten av 1100-talet | ||
| • Vigd til | St. Nikolas | ||
| • Endringar | utvida mot vest, 1722. | ||
| Preikestol | 1696 | ||
| Døypefont | 1680 | ||
| Sitjeplassar | 40 | ||
 Undredal stavkyrkje 60°57′03″N 7°06′08″E / 60.950882°N 7.1023425°E | |||
| Wikimedia Commons: Undredal stavkirke | |||
Undredal stavkyrkje er ei stavkyrkje i bygda Undredal i Aurland kommune i Vestland. Kyrkja vert ut frå stilhistorie og annan kunnskap datert til slutten av 1100-talet.[1]
Ho er den minste kyrkja i Skandinavia som framleis er i bruk, med berre 40 sitjeplassar. Skipet er knapt sju meter langt utvendig, kor og våpenhus kjem i tillegg med 4 og 2 meter.
Det er spor etter svalgang rundt kyrkjeskipet. Skipet er forlenga mot vest med klokketårn og eit våpenhus med saltak. Kyrkjekoret er nyare og i same breidd som skipet.
Inne i kyrkja heng den første kyrkjeklokka frå mellomalderen, men kyrkjeklokka er teken ut av bruk. I klokketårnet er det to nye klokker datert 1884 og 1996.
Veggane har den originale dekoren i limfarge frå 1600-talet, og i taket er det måla bibelfigurar og englar.
Inne i kyrkja er det mellom anna ein kneleskammel frå 1647, døypefat frå kring 1680, preikestol med datering 1696 og to lysestakar med skjold datert 1702.
Vestenden er i tømmer (laft) - tårnet var opphavleg ein frittståande stopul som vart bygd i hop med skipet etter reformasjonen.[2]
- ↑ Torkjell Djupedal (1997). «Kan vi tru på årstalet 1147?». Undredal : kyrkja og bygda. Undredal: Undredal sokneråd. s. 129. ISBN 8291722013.
- ↑ Anker, Peter (1997): Stavkirkene: deres egenart og historie. Cappelen.